அருகி வரும் இனங்கள்

அருகி வரும் இனங்கள்
அவனியில் ஆயிரம்..!
ஆப்ரிக்க கருப்பு காண்டாமிருகம்
மூவாயிரத்துக்கும் குறைவு..!
வங்காளப் புலிகள்
இரண்டாயிரத்துக்கும் குறைவு..!
சீன பெரிய பாண்டாக்கள்
ஆயிரத்துக்கும் குறைவு..!
பர்மீய காட்டு ஆமைகள்
மொத்தம் பதினேழு..!
இலங்கைத்தமிழர்கள்...
இப்போதைக்கு உலகிற்கு கவலையில்லை...
இன்னும் சில லட்சங்கள் மீதமுள்ளது..!

என் சுதந்திரம்

காலை பத்துமணி விழித்து..

இந்திய தொலைக்காட்சியில்
முதல்முறையாக வெளியாகும்
அதிரடி ஆக்க்ஷன் படம் பார்த்து..

காந்தி கொள்கைகளில்
குறையாடை மட்டும் கடைபிடிக்கும்
கவர்ச்சி நடிகைகளின் பேட்டி ரசித்து..

வெட்டுகுத்து நாயகர்களின்
அஹிம்சை விளக்கம் கேட்டு..

இரட்டைஅர்த்த நகைச்சுவையை
குடும்பத்துடன் சிரித்து..

தமிழ் கொல்லும் தொகுப்பாளினிகளின்
காந்தி விளக்கத்தில் மெய்மறந்து..

காந்தி-கோட்சேவில் சிறந்தவர் யாரென்ற
பட்டிமன்ற தத்துவத்தில் மூழ்கி..

ஏதேனும் கலவரம் உண்டாவென
செய்திசேனல்களில் அக்கறையுடன் பார்த்து..

சுகமாகக் கழிந்ததென் சுதந்திரதினம்...!

நாளைய விடியல் - 2

நாளைய விடியல் நிரந்தரம் ஆகும்..!
நம்பிக்கை உனக்குள் நங்கூரம் போடும்..!
வாழ்க்கை என்பது உன் வசமாகும்..!
வாழ்ந்துப்பார்த்தால் உண்மை புரியும்..!

தினம் தினம் விழித்தெழு எதிர்பார்போடு...!
நித்தம் பணிகளைப் பட்டியல் போடு...!
அன்றயபணிகளை அன்றே முடித்திடு - பின்
இல்லை உறக்கம் ஏமாற்றத்தோடு...!

மனித சரித்திரத்தைப் புரட்டிப்பார் - உன்
முன்னோரை கொஞ்சம் நினைத்துப்பார் - அவர்
பதித்த தடங்களை எண்ணிப்பார் - பின்
நீசெல்லும் பாதை விளங்கும்பார்...!

நாளைய விடியல்

நாளைய விடியல் நிரந்தரம் ஆகும்..!
நம்பிக்கை உனக்குள் நங்கூரம் போடும்..!
வாழ்க்கை என்பது உன் வசமாகும்..!
வாழ்ந்துப்பார்த்தால் உண்மை புரியும்..!

மனம்தான் உந்தன் கடவுள் என
நம்பிக்கை விதையை ஊன்று விடு..!
மனிதனின் மனமே தெய்வீகம் என
நாளைய உலகிற்க்குக் காட்டிவிடு..!

பூமிக்குக் காலங்கள் போல்
வாழ்க்கைக்கும் காலங்கள் உள்ளதன்றோ.. !
இலையுதிர் காலங்கள் மாறும் அன்றோ..!
வசந்தங்கள் உன்கண்ணில் தெரியுமன்றோ..!

முயற்சி என்பது பலமுறைதான் - அதில்
சந்தர்ப்பம் என்பது ஒரு முறைதான்..!
சாமர்த்தியம் உந்தன் வழிமுறைதான் - அதை
நழுவவிட்டால் பின் கல்லறைதான்..!

காதல் தீவிரவாதி..

காதலெனும் விமானம் கொண்டு
என் இதயம் துளைத்த
தீவிரவாதியே..!

சம்மதம் கிடைக்காவிடில்
தற்கொலைப்படையாவேன் என்ற
பயங்கரவாதியே..!

காதல் தீயைப் பற்றவைத்து
என் மனதைச் சிதைத்த
வன்முறையாளனே..!

எத்தடைகளையும் தகர்த்தெரிவேன்
என்ற சூளுரையில்
போர்க்குணம் கொண்டவனே..!

பார்த்த பெண்ணை மணம்புரியாவிடில்
சொத்து இல்லையென
அப்பா அறிவித்தபோது மட்டும் ஏன்
அகிம்சாமூர்த்தியானாய்?

செப்டம்பர் 11

பயங்கரவாதத்தின் உச்சம்...
அமெரிக்காவில் அரங்கேற்றம்...

அந்த விமானம் தகர்த்து
உலக வர்த்தக மையத்தை அல்ல...
உலக மானுட மையத்தை...

புதன்கிழமை சூரியன்
பெருமையுடன் சொன்னது...
"நேற்று என் உதயத்தை மறைத்த கட்டிடங்கள்
இன்று வழி விட்டுவிட்டன... நானே என்றும் நிரந்தரம்..."

அன்றிரவு வந்த சந்திரன்
சத்தம் போட்டுச் சொன்னது:
"ஏ.. மனிதர்களே ... என்னிடம் வரவேண்டாம்..
உங்கள் பயங்கரவாதம் பூமியோடு புதையட்டும்..."

நியூயார்க் மேகங்கள்
மொத்தமாய் சொன்னது
நாங்கள் தவழுவதை தடைசெய்த கட்டிடங்கள்
எங்களோடு சேர்ந்தது ... புகைமண்டலமாய்...!

'அரிது..அரிது.. மானிடராய் பிறத்தல் அரிது.."
என்ற ஒளவையே.. நீ இன்றிருந்தால்
'எளிது..எளிது..மானிடரை மாய்த்தல் எளிது..'
என்றுரைப்பாயோ..!

உச்சம் எட்டியது பயங்கரவாதம்..
அச்சம் அடைந்தது மானுடம்..
சொச்சமானது மனித உயிர்கள்..
மிச்சமானது சாம்பல் மட்டும்..

வல்லரசுகளே..!
அப்பாவி மக்களை அழிப்பது
போர்முனையில் மட்டும் தர்மம் என்று
போதிக்காதீர்கள்..
ஜப்பான் அணுவீச்சில்..
வளைகுடாப் போரில்..
பாலஸ்தீன பிரச்சனையில்
நடந்ததுகூட 'போர்' என்ற போர்வையில்
நடந்த பயங்கரவாதம்தான்..!

பங்குச்சந்தையின் வீழ்ச்சியை..
தங்கத்தின் விலைஉயர்வை..
ஜோதிடர்களின் கணிப்பை மட்டும்
ஆராயும் வர்த்தக மனிதர்களே..
அடுத்த விமானம் அணுஉலையை அண்டினால்
ஆருடம் சொல்லக்கூட ஆள் இருக்காது
அமெரிக்காவும் இருக்காது.. அடுத்தவீடும் இருக்காது..

பயங்கரவாத இடிபாடுகளிலிருந்து
தீவிரவாத நெருப்பிலிருந்து
மானுடத்தை மீட்க முன்னேறுங்கள் ..
இப்போதைய தேவை
பாயும் ஏவுகளைகள் அல்ல..
பறக்கும் புறாக்கள்..

முதல் புறா பறக்கட்டும் வாஷிங்டன்னிலிருந்து...!

காதல் அனுபவம்